Қазақстанда АИ-92 және АИ-95 бензиндерінің профициті жалғасуда. ҚР энергетика министрі Қанат Бозымбаев түсіндіріп өткендей, бұл нарыққа әсер етті. Яғни, жанармай көп болғанымен, пайдалану мөлшері өсе қоймады.
Министр бұл жағдайдың отандық мұнай шығаратын және өңдейтін компаниялар үшін тиімді еместігін де атап өтті.
— Мұнайшылар үшін бұл онша жақсы жағдай емес, себебі ішкі нарыққа мұнай жеткізу олар үшін тиімділігін жоғалтуда. Экспортпен салыстырғанда үлкен айырмашылық байқалады. Ал пайдаланушылар үшін жақсы, десе де нарық өз әсеріне қарай жауап қатуда, — деді Қанат Бозымбаев.
Естеріңізге сала кетейік, биылғы жылдың мамыр айында 92-бензин Қазақстанда екі теңгеге арзандады.
Комментариев: 0