Естеріңізге сала кетейік, ел азаматтары Ресейден, Армениядан, Қырғызстаннан, Беларусьтен әкелген көліктерді он күннен соң уақытша тіркеуге қою мәселесімен үш ай бойы ҚР парламент мәжілісінің депутаттары мен ІІМ-нің өкілдерінен құрылған жұмыс тобы айналысқан болатын. Заңнамаға уақытша тіркеліп, бір жыл Қазақстан көшелерінде жүйткіген көлік иелерін темір тұлпарды тұрақты тіркеуге қоюға не елден шығаруға міндеттейтін нормалар енгізу де қарастырылған.
Бірақ бүгін kolesa.kz тілшісіне жұмыс тобының мүшесі мәжіліс депутаты Павел Казанцев хабарлағандай, аталған мәселені қарастыру уақытша тоқтатылған. Жүргізген талдау жұмыстары полицейлер мен халық қалаулыларының ұсынысын жүзеге асыру үшін заңға және кейбір халықаралық келісімдерге бірқатар маңызды өзгертулер енгізуді қажет етеді.
Сонымен қатар, жуырда ІІМ-нің деректер базасының сақтандырушылардың базасымен бірігуі Қазақстанда жүрген барлық шетелдік автокөліктерді бақылауға алуға мүмкіндік берді. Сондықтан, әзірше мәселенің ауқымын анықтау үшін еліміздегі бөтен көліктерді қайта санап, полиция камераларының көмегімен олардың жүріс-тұрысын бақылау ұйғарылды.
ҚР ІІМ ӘПК мәселені қарастырудың тоқтатылғанын растады. Жұмыс тобының жобаға қашан қайта оралатыны белгісіз.
Комментариев: 0