Шетелдік көлікті тізгіндеген тұлғалар туралы ақпаратты прокурорлар сақтандыру полистерінің деректер базасынан ала бастады. Ол үшін ҚР Бас прокуратурасының бірыңғай әкімшілік өндіріс реестрі ҚР ІІМ ӘПК, Ұлттық банк және Мемлекеттік кредиттік бюроның деректер базасымен біріктірілді.
Кolesa.kz тілшісіне ҚР Бас прокуратурасының Құқықтық статистика және арнайы есепке алу комитетінің мамандары хабарлағандай, жүйе жұмысының жаңа алгоритмі 17 қазанда іске қосылды. Жаңа әдіс өткен демалыста сынақтан өткізіліп, 21 қазаннан бастап Нұр-Сұлтан, Шымкент, Қостанай, Ақтөбе, Павлодар, Атырау, Қарағанды және Тараз қалаларында жұмыс істей бастады. Ал алдағы екі апта ішінде бөтен нөмірлерді Алматыдағы камералар да көретін болады.
Өзге елден келген ереже бұзушылар айыппұлды шекарадан өту барысында төлей алады. Ал шетелдік нөмірдегі көлікті тізгіндеп жүрген қазақстандықтар сақтандыру полисін рәсімдеу барысында берген мекенжайы бойынша әдеттегідей ескертпе алады. Тиісінше, мемлекет алдындағы қарызын заңнамада белгіленген тәртіпте өтейтін болады.
Естеріңізге сала кетейік, бүгінде көптеген көлік иелері шетелде тіркелген темір тұлпарды сақтандыру бойынша алады. Бұрын мұндай айла камера салатын айыппұлдан жалтаруға көмектесетін еді. Ал енді кемі тоғыз қалада пысықайлардың жолы жабылды.
Комментариев: 0