Ереже бұза беретін жүргізушілер қайта емтихан тапсырсын деген ұсынысты сенатор Марат Қожаев айтқан. Негізі, тексерістен өту туралы норма Әкімшілік кодексте бұрыннан бар. Бірақ құзырлы орган регламентті заң жүзінде бекітпеген.
Әкімшілік кодекстің
53-бабы бойынша Осы Кодекстiң 594 (бос емес қиылысқа бір жыл ішінде қайта шығу), 596 (бір жыл ішінде екінші мәрте тротуарға шығу не көлікті жүргін бөлікке қалдыру, қарсы бетке өту не басып озу ережесін бұзу), 598 (бір жыл ішінде арнайы қызмет көліктеріне қайта жол бермеу), 599 (қызыл түске екінші рет өту), 600 (жаяу жүргіншіге жол бермеу) нөмірлі баптарында көзделген құқық бұзу әрекетін жасаған жүргiзушiлер жол жүрiсi қағидаларын бiлетінін тексеру үшiн емтихан тапсырады.
Бұл мәселені шешуге Емтихан қабылдау және жүргізуші куәлігін беру ережелеріне Ішкі істер министрлігі енгізетін түзету көмектеседі. Құжат жобасына сәйкес онда кәдімгі теориялық емтихан арқылы жүргізушінің білімін тексеруге мүмкіндік беретін норма болады. Қызмет алу үшін арнайы ХҚКО, eGov.kz не мобильді қосымша арқылы өтініш беру қажет.
Қызмет тегін. Оны алу үшін мына құжаттарды ұсынасыз:
- жеке куәліктің қағаз не электрондық нұсқасы;
- жол ережесін білетінін тексеруге жіберу туралы қаулы.
Комментариев: 0