Өзбекстанда Kia Sonet өндірісі басталды

Жизақта дәнекерлеу және шанақ бояуды қамтитын CKD әдісімен шыға бастаған Kia Sonet-тің рестайлингке дейінгі нұсқасы едәуір қымбат болады.

Үндістанда «Сонет» бағасы 7.99 млн лакхтан (4.32 млн теңге) басталады, ал Өзбекстанда көлік 200 млн сум (7.1 млн теңге) тұрады деп жазды Gazeta.uz.

Машинаның комплектациясы мен нақты бағасы сәуірде белгілі болады. Өзбекстан нарығына арналған модель 115 ат күшіне ие 1.5 литрлік төрт цилиндрлі атмосфералы мотормен жүреді. Агрегат 6 сатылы механика немесе вариатормен жұмыс істейді. Автомобиль моно жетекті болады.

Жизақтағы зауыт Kia Sonet-ке 5 жыл немесе 150 мың шақырымға кепілдік береді. Баспасөз релизінен модель қалалық кроссоверге сай емес биік клиренсімен (205 мм) және алдыңғы орындықты желдету жүйесі, Bose аудиожүйесі сияқты қымбат сегменттегі автомобильге тән опциялармен ерекшеленетінін көруге болады.