Премьер-министрдің ресми сайтында үкімет «Қазақстан Республикасының Экология, геология және табиғи ресурстар министрлігінің ведомстволық бағынысты ұйымдарының кейбір мәселелері туралы» қаулы қабылдағаны жайлы мәлімет пайда болды.
Хабарламада «Құжатқа сәйкес „Жасыл даму“ АҚ мемлекеттік ұйымы өндірушілердің (импорттаушылардың) кеңейтілген міндеттемелерінің операторы болып айқындалды. „ӨКМ Операторы“ ЖШС-нің утилизациялық алымды әкімшілендіру және тиісті қаражаттарды басқару шеңберіндегі қызметі тоқтатылды. Утилизациялық алым қаражаты есебінен құрылған активтер мемлекет меншігіне берілді. Өндірушілердің кеңейтілген міндеттемелерін әкімшілендіру функциясын мемлекеттік ұйым – „Жасыл даму“ АҚ орындайтын болды», — деп жазылған.
Енді утильдік алымның жаңа мөлшерін бекіту ғана қалды, ол биыл ақпанда белгілі болады.
Жағдай толық реттелгенше алым қалай қабылданатынын Kolesa.kz редакциясы жуық арада анықтап, ақпарат береді.
«Жасыл даму» АҚ сайтына әзірше кірмеген жөн. Оның жаңартылмағанына көп болған, оның үстіне хакер шабуылына ұшыраған сияқты. Сайтты ашқанда айфон ұтысы өтетін бет ашылады.
Комментариев: 0