Kolesa.kz редакциясына «Жасыл Даму» call-орталығы хабарлағандай, артық төленген ақшаны 14 мамырдан кейін утиль алымын бұрынғы тариф бойынша төлеген тұлғалар қайтара алады. Ол үшін «Жасыл Дамуға» E-otinish поштасы арқылы еркін формада жазылған және ЭЦҚ арқылы қол қойылған өтініш жіберу қажет. Сонымен қатар өтінім нөмірін, ақша аударылатын шот реквизиттерін көрсетіп, төлем тапсырмасының көшірмесін қосасыз.
«Жасыл Даму» өкілдері астана тұрғындары өтінімді қағазға жазып, Нұр-Сұлтандағы Мәңгілік ел даңғылы, 30 мекенжайында орналасқан утиль алымы операторының канцеляриясына апарып берсе болады. Телефон нөмірі +7 (7172) 64 81 00.
Жауапты мекеме түскен арызды үш күн ішінде қарайды. Бірақ ақшаны қашан қайтаратыны белгісіз. Қайтару механизмі әзірленіп жатыр екен.
Айта кетерлігі, компания жаңа мөлшерлеме бойынша утиль алымын қабылдауды әлі бастаған жоқ. Оператор сайты да дайын емес. Азаматтардың жеке кабинеті ашылмайды. Сall-орталықта сервис бүгін түсте қосылып қалуы мүмкін екенін айтты.
Комментариев: 0