Kolesa.kz бұған дейін өзбек тюнерлері Mercedes-Benz бөлшектерін АВТОВАЗ моделіне орнатып түрлендірген бірнеше көлікті көрсеткен еді. Олардың арасында өзгертілген Lada Niva да болды. Мұндай тюнингті ресейлік шеберлер де жасап жүр.
Машина сататын сайттардың бірінде 2016 жылғы «Нива Урбан» сатуға қойылды. Ерекше көлік 2.5 миллион рубльге (14.8 млн теңге) бағаланып отыр. Салыстыру үшін айтсақ, Қазақстанда әдеттегі Lada Niva Legend 5.4 миллион теңге тұрады.
Автомобиль сырттай ламбо-есігі, бастырығы, өзгеше радиатор торы және G-Class-тан алынған дискілерімен назар аудартарды.
Көліктің салоны Mercedes-Benz S-Class-ты (W222) еске салады. Челябілік шеберлер де өзбек тюнерлері сияқты машинаға Мерседестің цифрлы аспаптар панелі мен мультимедиа кешенінің дисплейін қолданды. Соңғысы Android жүйесіне қосылады.
Капот астында 83 ат күшін беретін 1.7 литрлік мотор өзгеріссіз қалды, ол бес сатылы механикамен жұмыс істейді. Иесінің айтуынша, 2 млн рубльден астам ақша салынған машина небәрі 5 мың шақырым жол жүрген.
Комментариев: 0