Король мінген BMW M5 аукционға шықты

АҚШ-тағы аукцион порталдардың бірі E28 индексті BMW M5-ті сатуға қойды. Машина жұртты өзгеше өңі немесе одеметрдегі аз көрсеткішімен емес, бай тарихымен қызықтырады. Седанның алғашқы иесі Швеция королі Карл XVI Густав болған.

1 / 9

• 
• 
• 
• 
• 
• 
• 
• 
• 

1 / 9

M5 король автопаркіне 1987 жылы қосылыпты. Автомобиль алтын реңк араласқан Malachite Green түсіне боялған. Ал стандарт 16 дюймдік BBS дискісінің орнына монархтың өтініші бойынша ортасы алтын түсті BBS RS дөңгелегін орнатыпты.

M5 салонында жад функциясы бар жылытуға болатын спорттық кресло, M-Technic 1 рөлі және Blaupunkt аудиожүйесі бар. Сондай-ақ зат салатын бөлікте DLS 200c радиосканері орналасқан. Интерьері тапсырыс бойынша былғарымен қапталған бұл машина салоны мен шанақ түсі сай келетін әлемдегі жалғыз M5 екен.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Автомобиль 286 ат күшіне ие 3.5 литрлік S38 моторымен жүреді. Айналу моменті 5 сатылы механика арқылы артқы дөңгелектерге беріледі.

Король мінген эмка үнемі гаражда тұрған көлік емес. Одометрі 252 мың шақырымды көрсетіп тұр. Оның қанша шақырымын Карл XVI Густав жүргені белгісіз, бірақ M5-ті 2023 жылы сатып алып, АҚШ-қа жеткізген қазіргі иесі екі мың км жол жүріпті.

АҚШ-қа жеткен соң седан толық техникалық қызмет көрсетуден өткен, шеберлер барлық белдік пен сұйықтығын ауыстырып, жаңа аккумулятор орнатты.

Иесі BMW M5-ті (E28) қаншаға сатқалы отырғаны белгісіз, бірақ аукциондағы бағасы қазір 45 мың доллардан асты.