Kolesa.kz-те қандай көліктер сатылып жатыр

Kolesa.kz-те қазір 182 мыңнан аса жаңа және ескі жеңіл көлік сатылып жатыр. Оның көбі күнде көріп жүрген жұртқа таныс машиналар. Бірақ арасында сирек кездесетін немесе жағдайы керемет көліктер де бар. Бүгін сондай бес хабарландыру жайлы жазамыз.

1990 жылғы Mercedes-Benz 190

W201 индексті Mercedes-Benz 190-ды сирек кездесетін көлік деуге келмейді. 1982-1993 жылдары седанның 1.87 млн данасы шықты, машина 90 жылдардан бастап Қазақстанға көптеп кірген. Бірақ Шымкентте 14 млн теңгеге сатылып жатқан көлікке назар салмауға болмайды.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

Сатушының сөзінше мұндай жақсы сақталған 190-ды бүкіл ТМД аумағынан табу мүмкін емес. Мамандар екі жыл жұмсап, машинаны реставрациядан өткізген, барлық бөлшегі Еуропа мен АҚШ-тан тапсырыс арқылы алған түпнұсқа өнімдер.

2.6 литрлік жаңа мотор қойғаннан бері седан 1.9 мың шақырым жол жүрген, бірақ аспаптар панелінде 122 000 км деп тұр. Автомобильдегі заттардың бәрі жақсы мінсіз істейді. 190-ды қазір ешкім мінбейді, машина жылы паркингте тұр.

1975 жылғы Cadillac Eldorado

Павлодарда 1970 жылдардың екінші жартысында шыққан тоғызыншы буындағы Cadillac Eldorado кабриолеті сатылады. Ұзындығы 5.7 метр, төбесі жұмсақ, салоны қызыл екі есікті көлік 35 млн теңге тұрады.

1 / 10

• 
• 
• 
• 
• 
• 
• 
• 
• 
• 

1 / 10

Сатушы машина туралы еш мәлімет бермепті. Тіпті кабриолет қанша жол жүргені де белгісіз. Хабарландыруда қозғалтқыш көлемі 3.2 литр деп жазылған, бірақ бұл дұрыс емес. Өйткені зауытта Eldorado-ға 3 сатылы автоматпен жұмыс істейтін 7 немесе 8.2 литрлік V8 моторын ғана орнатқан.

1994 жылғы BMW 850i

E31 индексті бірінші буындағы 8-сериялы BMW Қазақстанда көп емес. Біз сөз етіп отырған экземпляр 1994 жылы шыққан, 300 ат күшіне ие (450 Нм) 5 литрлік V12 моторымен жүреді, ол 5 сатылы механикамен жұмыс істейді.

1 / 10

• 
• 
• 
• 
• 
• 
• 
• 
• 
• 

1 / 10

Иесінің айтуынша күміс түсті «850i» жақсы сақталған, барлық сұйықтығы ауысқан. Шеберлер шағын тюнинг жасап, артқы дифференциалды бұғаттау, Bilstein тіреуі, спорттық радиатор торы және 19 дюймдік Hamann дөңгелек дискісін орнатыпты.

138 000 км жол жүрген BMW 850i 25 млн теңге тұрады.

2016 жылғы Porsche 911 GT3 RS

Porsche 911 біздің елде жиі кездеседі, көбі базалық Carrera немесе қуатты Turbo. Ал Lava Orange түсті GT3 RS индексті ерекше түрленімі саусақпен санарлық.

GT3 RS аэродинамикалық бастырығы және жарыс жолына бейімделген шассиінен бөлек, 500 ат күшіне ие 4 литрлік атмосфералы моторымен мақтанады, агрегат 460 Нм моментті 7 сатылы PDK роботы арқылы артқы дөңгелектерге береді.

1 / 11

• 
• 
• 
• 
• 
• 
• 
• 
• 
• 
• 

1 / 11

Сатушы машина RS нұсқасының ең үздік комплектациясы екенін жазыпты. Porsche жинағы шамамен 2 млн теңге тұратын Michelin Cup 2 дөңгелегімен жабдықталған, сондай-ақ марка дилеріндегі кепілдік мерзімі ұзарған.

30 мың шақырым жол жүрген автомобиль үшін иесі 76 млн теңге сұрайды.

1995 жылғы BMW M3

1990 жылдардағы спорткар жанкүйерлері E36 шанағындағы қарапайым BMW M3-тің өзін ойланбай сатып алуға дайын, ал Алматыда тұрған ашық сары түсті көлік тіптен ерекше. 154 000 шақырым жол жүрген купенің бағасы 11 млн теңге, машина 600 ат күшіне ие 3 литрлік S50B30 моторымен жүреді.

1 / 5

• 
• 
• 
• 
• 

1 / 5

Шеберлер көлікке арнайы газ шығару коллекторын орнатқан. Жаңа ZF320 механика қорабы мотормен керамикалық ілінісу арқылы, ал дөңгелекпен жаңа редуктор арқылы байланысады.

Иесі бұл толық дайын әрі пайдалы жоба екенін жазыпты. Машинаны ол жылы паркингте сақтап отыр.