Қазақстанда AMG бастырығындағы G55 немесе G63 тақтайшасы жапсырылған G-Class-ты кездестіру қиын емес, су жаңа сияқты әрленген ескі геликтер де бар. Ал Өзбекстанда «мерс» бөліктері сәл басқаша қолданылады.
Көрші ел тұрғындары Mercedes-Benz элементтерін Chevrolet немесе «Ладаға» орнатқанды жақсы көреді. Бірнеше күн бұрын біз салоны ерекше ВАЗ-2107-ні көрсеткенбіз, ал енді редакция көзіне соған ұқсас «Нива» түсті.
Бұл көлік те сырттай ірі дискісімен, төмен профильді шинасымен және қараңғыланған әйнегімен назар аудартады. Сонымен қатар айрықша табалдырығын, бамперлері мен шамын атап өткен жөн.
Интерьері тіпті қызық. Мұндағы есік картасы асай-мүсейімен қоса Mercedes-Benz-тен, ал орындықтар мен рөл Mercedes-AMG-ден алынған. Шеберлер неміс автоөндірушісі әзірлеген ауа тартқыш торы, ортаңғы консольдегі мультимедиа кешенін басқару блогы мен тағы бірнеше бөлшекті іске жаратыпты.
Капот астында механикамен жұмыс істейтін 1.7 литрлік бензинді мотор қалған сияқты. Салоннан режим ауыстыратын иінтірек жоғалғанын байқауға болады. «Ниваның» трансмиссияның біраз бөлігі ауыстырғаны не олардың жақсы жасырылғаны белгісіз.
Комментариев: 0