Ташкенттегі салондардың бірі ерекше ВАЗ-2107-ні сатуға қойды. Сырттай 2011 жылғы «жетілік» күңгірт әйнегімен және төмен профильді дискілерімен ғана назар аудартады. Ал салоны — мүлде бөлек дүние.
Көліктің интерьері Mercedes-Benz-ті еске салады: рөл мен ортаңғы консольдегі басқару пультінен бастап, электрлі реттелетін орындықтары, есіктегі элементтер мен желдеткіш дефлекторына дейін неміс машинасына тән бөлшектерге толы. Бірақ торпедосы мен аспаптар панелі Chevrolet Lacetti-ден алынған. Одан бөлек, жүксалғышында сабвуфер бар.
Хабарландыру мәтінінен капот астындағы агрегаттың да қарапайым еместігін түсінуге болады. Бірақ автор дәл қандай мотор қойылғанын жазбапты, тек оның 2 литрлік турбоүрлемді қозғалтқыш екені белгілі. Ол автомат қораппен жұмыс істейді.
22 мың шақырым жол жүрген айрықша «Жигули» 18 мың доллар (шамамен 7.7 млн теңге) тұрады.
Комментариев: 0