Nissan тағы бір зауытын жабады

Nissan шығынды азайту жоспарын жалғастырып жатыр. Оған 20 мың қызметкерді жұмыстан шығару, бірнеше зауытты жабу, платформа санын және техника шығару көлемін азайту кіреді. Жаңа басшылар Мексикадағы екінші өндіріс орны — Cooperation Manufacturing Plant Aguascalientes (COMPAS) зауытын жабады.

Бұл зауыт 2017 жылы Mercedes-Benz компаниясымен бірлескен кәсіпорын ретінде іске қосылды. Мұнда жапон автоөндірушісі Infiniti QX50 және QX55 кроссоверлерін құрастырған, олар Қазақстанда да сатылады. Неміс маркасы GLB моделін жасап, 2020 жылға дейін A-Class шығарды.

Nissan өкілдері Infiniti өндірісі биыл қарашада тоқтайтынын айтты. Mercedes-Benz өз кроссоверін келер жылдың мамырына дейін құрастырады, кейін COMPAS конвейері толығымен тоқтайды.