Nissan Skyline қайта конвейерге тұрады

Nissan модельдік топтамасын жаңарту жоспарын жария етті. Тізімде гибрид Rogue, электрлі Juke, қайта жаңғыратын рамалы Xterra, сондай-ақ Skyline бар.

Компания Skyline-ды қайта ұсынуға дайындалып жатқаны бұрыннан белгілі. Мұндай ақпарат 2025 жылы АҚШ нарығына арналған жаңа Infiniti Q50 туралы жаңалықпен қатар шыққан, Q50 седаны Skyline-ның сыңары болатын сияқты. Енді компания жаңа өнімнің бірнеше тизерін көрсетті. Суреттен диаметрі әртүрлі домалақ шамдар, капот жиегіндегі S әріпті тақтайша мен артқы қанаттағы модель атауы байқалады.

Техникалық жағына келсек, машина 3 литрлік турбоүрлемді V6 моторы бар артқы жетекті платформаға негізделеді, марка мұндай жүйені қазір Z спорткарына пайдаланып жүр. Агрегат қуаты шамамен 450 ат күшіне тең, механика қораппен жұмыс істейді.

Skyline-нан кейін Nissan топтамасына Silvia моделі қайта қосылуы мүмкін. Компания басшысы Айвен Эспиноза гаммаға артқы жетекті қолжетімді купені қайтаруды жоспарлап отырғанын атап өткен. Бірақ мұндай жоспарлар бұған дейін де сөз болып, тіпті Nissan IDX сияқты концептілер жарық көргенін естен шығармаған жөн.