Бренд Q50 седанының екінші буынын былтыр конвейерден алып тастаған. Сол кезде жұрт оның ізбасары электромобиль болады деп топшылады. Бірақ компания қазіргі жағдайға байланысты жоспарын өзгертуі мүмкін.
Automotive News өз дереккөзі берген мәліметке сүйеніп, автомобильдің екінші буыны Nissan Skyline-мен бір платформаны бөліседі, ал капот астына Z купесіндегі механикамен жұмыс істейтін 3 литрлік V6 жайғасады деп жазды.
Инсайдер қозғалтқыштың қуаты 450 ат күшіне дейін жететінін атап өткен. Жаңа көлік тек артқы жетекті болады.
Жаңа Q50-дің тұсаукесері 2027 жылы өтуге тиіс. Машинаның атауына S литерасы қосылатын шығар. Q50S индексті көлікті бренд Америкадағы сатушылар қатысқан конференцияда көрсеткен.
Комментариев: 0