Nissan биылғы қаржы жылының алғашқы жартысындағы есебін жариялады. Компания шығынға батып барады, 2025 жылдың екінші жартысына қатысты болжам да көңіл көншітпейді. Тығырықтан шығу үшін Иокогамадағы штаб-пәтерін сатып, түскен ақшаны қайта инвестиция құюға жұмсамақшы.
Концерн кеңсе ғимараты мен жер телімін саудалаған. Жылжымайтын мүлік 97 млрд иенге (643 млн доллар) бағаланды, оның 74 млрд иені
Штаб-пәтердегі қызметкерлер ешқайда көшпейді. Компания жаңа иесімен ғимарат пен жерді 20 жылға жалға алу жөнінде келісімшарт жасады. Алайда бұған қанша ақша кететіні белгісіз.
Nissan-ның жалпы қаржылық жағдайына келсек, қазір концерннің таза шығыны 222 млрд иенге (1.4 млрд доллар) жетті, былтыр осы кезеңде марка пайда көрген еді. Соған қарамастан басшылар үнемдеу стратегиясы жақында нәтиже бере бастайды деп сенеді.
Концерн тұрақты шығынды 80 млрд иенге азайтты, ал қаржы жылының аяғына қарай бұл көрсеткіш 150 миллиардқа жетеді. Бұған қоса бренд шамамен 200 млрд иен үнемдей алады, бірақ оны әлі іске асырған жоқ. Re:Nissan стратегиясына сәйкес бірнеше зауытын жабады.
Комментариев: 0