Volkswagen Group 50 000 қызметкерін жұмыстан шығарады

Бірнеше күн бұрын WirtschaftsWoche басылымы Volkswagen Group-тың ішкі жоспарларын жариялады. Марка алдағы жылдары Эмден, Цвиккау, Неккарзульм және Ганновер қалаларындағы зауыттарын жаппақшы. Енді бұл ақпарат ресми түрде расталды. 3 қыркүйекте бақылау кеңесі компанияның құрылымын өзгерту туралы жоспарын бекітті. Топ-менеджерлер кәсіпорындарды жауып қана қоймайды.

Қазір Volkswagen Group-та 657 мыңдай адам қызмет етеді. Құжатта 2030 жылға қарай олардың саны 50 мыңға кемиді деп жазылған. Бұдан бөлек 2026 жылдың басында тағы 50 мың адам жұмыстан шығады. Яғни 100 мыңға жуық маман жұмыссыз қалады.

2035 жылға қарай топтама 50 пайызға, комплектациялар 75 пайызға азаяды. Нақты қай модельдер мен түрленімдер конвейерден алынатыны белгісіз.

Компания қазіргі өндіріс көлемі сұраныстан 500 мыңға артық дейді. Осыған байланысты Эмден, Цвиккау, Неккарзульм және Ганновердегі зауыттардың жұмысы 2031–2034 жылдар аралығында тоқтауы ықтимал. Volkswagen бұл алаңдарды басқа мақсатта пайдаланбақшы.

Концерн капиталды тиімді пайдалану үшін бірқатар сыртқы жобасын қайта қарауды жоспарлап отыр.