MG рамалы Majestor флагманын көрсетті

MG негізінен Үндістан тұрғындары мінетін 5 метрлік рамалы жол талғамайтын Majestor-ды таныстырды. Шын мәнінде марка Қытайда Maxus D90 (Maxus Territory) деген атпен танымал машинаны ұсынып отыр.

1 / 4

• 
• 
• 
• 

1 / 4

MG Majestor Үндістанда өз сегментіндегі ең үлкен әрі ең кең модель болатынына сенімді. Сондай-ақ жол талғамайтын көлік MG топтамасындағы ең ірі модель саналады. Оның ұзындығы — 5.05 метр, дөңгелек базасы — 2.95 метр.

Жаңа MG моделі платформа донорынан брендинг бойынша ғана ерекшеленеді. Марка интерьердің суретін жариялаған жоқ, бірақ 7 орынды салон архитектурасы Maxus Territory-ге ұқсас болатыны анық. Жабдықтар тізіміне 12.3 дюймдік дисплей мен 12 динамигі бар медиажүйе, үш аймақты климат-бақылау, жүргізуші креслосын желдету және массаж функциясы, төбедегі люк кіреді.

Majestor толық жетекті болады, ал күштік құрылымы туралы қазірше ақпарат жоқ. Бірақ машина 8 сатылы автомат қораппен жұмыс істейтін 218 ат күшіне ие (480 Нм) 2 литрлік дизельді мотормен жүруі мүмкін.

Бұл қозғалтқыш Gloster деп аталатын (Maxus D90-ның рестайлингке дейінгі нұсқасы) Majestor-дың ізашарына қойылған. Ол Үндістанда сатылып жатыр, MG жаңа өнім шыққан соң да одан бас тартпайды. Gloster Үндістанда 4–4.4 млн рупия (24.4–26.8 млн теңге) тұрады, Majestor одан қымбатырақ болады.