Mercedes-Benz электрлі C-Class-тың интерьерін көрсетті

Неміс бренді топтамасындағы жаңа электромобильдің тұсаукесеріне дайындалып жатыр. Бұл — C-Class-тың батареялы нұсқасы. Компания машинаны 20 сәуірде Оңтүстік Кореяда таныстырады.

Марка электрлі C-Class-тың сырт келбетін құпия ұстап отыр, бірақ интерьерін толықтай көрсетті. Өйткені былтыр күзде жарық көрген GLC кроссоверінің салонына ұқсайды.

Батареялы седанның алдыңғы панелінде диагоналі 99.3 см болатын Hyperscreen тачскрині тұр, ол кіріккен камерамен жабдықталған. Мұндай экран тек үздік комплектацияда болады, қарапайым нұсқа жаңа EQS моделіндегідей үш бөлек дисплей алады.

Седан салонды бұрынғы кешенге қарағанда екі есе жылдам жылытатын жаңа автоматты климат-бақылау жүйесі, панорамалы шатыр және веган әрлеу материалдарымен жабдықталады.

C-Class-тың техникалық сипаттамасы әзірге белгісіз, бірақ GLC кроссоверіне ұқсас болуы ықтимал. Оның 400 4Matic нұсқасы 489 ат күшін беретін екі электромотор, 94 кВт·сағ аккумулятормен жүреді, жүріс қоры 713 шақырымға жетеді.