Жаңа машина жайлы мәлімет көп емес. Тек оның қытайлық Geely компаниясымен бірлесіп ашылған «БелДжи» кәсіпорнында шығарылатын үлгілердің біріне негізделгені белгілі. Машинаның жүріс қоры 100 км, жылдамдығын сағатына 90 шақырымға дейін арттыра алады. Аккумулятор батареясын толық зарядтауға кемі үш сағат кетеді.
Аталған сипаттамаларынан-ақ, мұнда сөз бюджеттік нұсқа туралы болып отырғанын аңғаруға болады. Десе де БЕЛТА агенттігі хабарлағандай, отандық өнімнің таныстырылымына Беларусь Республикасының президенті Александр Лукашенко қатысады. Ол салыстыру мақсатында жаңа көліктің қасына Tesla Model S P100D маркалы темір тұлпарын қоятынын айтқан.
Айтпақшы, өткен жылдың күзінде баспасөз қызметі Лукашенконың америкалық көлікті қайдан алғанын түсіндірген болатын. Тілшінің сұрағына президенттің баспасөз хатшысы Наталья Эйсмонт мемлекет басшысына тиесілі Tesla-ның «зауыттан» алынғанын айтты, бірақ оны кім жүргізетіні жайлы нақты ақпарат бере алмаған.
Комментариев: 0