Жаңа буындағы Lexus LX 2021 жылы күзде таныстырылды. Машина жақында сатылымға шығады (Қазақстанда да). Бұған дейін жол талғамайтын көліктің Жапонияда қанша тұратыны жарияланған, енді оның АҚШ-тағы бағасы белгілі болды.
Lexus LX 600-дің 3.5 литрлік қосарлы турбоүрлемді V6 орнатылған ең қарапайым нұсқасы 86.9 мың доллар тұрады. Айта кетерлігі, бұл ескі LX 570-тің бастапқы бағасымен бірдей. 2021 жылдың аяғында ол да 86.9 мың долларға (38 млн теңге) бағаланды.
Ал АҚШ-та Ultra Luxury деп аталатын үздік LX 600 126 мың доллардан (55 млн теңге) саудаланады.
Lexus LX 600 АҚШ-та бес комплектацияда ұсынылады. Базалық және ең үздік (Ultra Luxury) нұсқасынан бөлек, Premium ($95 000), Luxury ($103 000 ), F Sport ($101 000) нұсқаларын алуға болады. Соңғысы айрықша декор, өзгеше бампер мен радиатор торы және 22 дюймдік дөңгелек дискісімен ерекшеленеді.
Анықтама ретінде: АҚШ-тағы жаңа LX 600 Қазақстандағы LX 570-тен арзан. Біздің елде ең қарапайым 570-тің бағасы 55.8 млн теңге болса, үздік Black Vision II+ нұсқасы 63 млн теңге тұрады.
Комментариев: 0