Land Rover биыл екі сәнді электрокар шығарады

Jaguar Land Rover 2026 жылға дейін алты электромобиль шығарады. Autocar JLR басшысы Адриан Марделге сілтеме жасап хабарлағандай, биыл ең қымбат модельдер электр жетекке ауысады.

Батареялы Range Rover мен Range Rover Sport MLA платформасына негізделеді, оны компания дәстүрлі моторы бар бірнеше моделіне қолданған. Электрлі болатын екі машинаның техникалық сипаттамасы жайлы қазірше ақпарат жоқ.

Платформа 800 вольтты архитектураға ауысады. JLR бастапқыда басқа фирманың батареясын пайдаланады, ал кейінірек өзі аккумулятор дайындайды. Tata концерні былтыр Ұлыбританияда қуаты 40 гВт⋅сағ болатын батарея зауытының құрылысын бастаған.

JLR батареялы Range Rover-ді желтоқсанның ортасында көрсетіп, ақпанның басында 16 мың алдын ала тапсырыс қабылдады. Электрокар қазір сынақтан өтіп жатыр. Тұсаукесері 2024 жылдың алғашқы жартысында өтуі мүмкін, ал жылдың екінші жартысында Range Rover Sport жарық көреді. 2025 жылы Velar мен Evoque моделінің электрлі нұсқасы шығады. Онжылдықтың екінші жартысында Discovery Sport пен Defender де электр жетекке ауысады.

Ал Jaguar төрт есікті купеге ұқсайтын премиум гран-турер шығаруды көздеп отыр, ол биыл жарық көреді. 2025 жылы брендтің электрлі топтамасы люкс кроссоверімен толығады, ол Bentley Bentayga сияқты модельдерге бәсекелес болады. Ал кейінірек Jaguar батареялы седан ұсынады.

Адриан Марделл JLR барлық модельді электр жетекке көшіруге асықпайтынын айтты. Біріншіден, қазіргі нарық динамикасы мұны талап етпейді, екіншіден, компания жақсы өнім шығару үшін оны әзірлеу мен сынауға көп уақыт жұмсайды.