Lada Iskra өндірісі басталды

Lada Iskra-ның алғашқы сериялық экземпляры «копейканың» 55 жылдығына орай шығады. Avtograd хабарлағандай, компания 19 сәуірде екі седан және екі универсал көрсетті.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

АВТОВАЗ «Искраны» француздармен әзірлеп бастаған. Санкция салдарынан Еуропа мен Оңтүстік Корея компонент жеткізбейтін болған соң оны алмастыруға үш жыл кетті. Қазір автомобиль бөлшектерінің 90 %-ы Ресейде жасалады, қалғанын шет елдерден алады.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

АВТОВАЗ бас директоры Autonews.ru басылымына берген сұхбатында нарықта Granta мен Vesta арасында тұрғанына қарамастан, жаңа өнім флагман болады депті. Бұған себеп — жабдықтар тізімі ғана емес (базалық нұсқада екі қауіпсіздік жастығы, ABS, ESP және өрге қарай қозғалғанда көмектесетін жүйе бар), сонымен қатар заманауи платформа. Машина Renault-ның CMF-B-LS платформасына негізделгенін компания айтқысы келмей отыр.

1 / 11

• 
• 
• 
• 
• 
• 
• 
• 
• 
• 
• 

1 / 11

Lada Iskra 20 шілдеде сатыла бастайды. Бренд седан, универсал және кросс-универсал сияқты үш модификация ұсынады. Түс палитрасына қызыл, көк, ақ, қара, күміс түстес, қоңыр және қызғылт сары кіреді. Күштік құрылымы 5 сатылы механикамен жұптасқан 1.6 литрлік 8 клапанды мотор (90 а.к.) немесе 6 сатылы механика не вариатормен жұмыс істейтін 1.6 литрлік 16 клапанды қозғалтқыштан (106 а.к.) тұрады. Бастапқы бағасы — 1.2 миллион рубль.