2020 жылы 10 желтоқсанда Қасым-Жомарт Тоқаев қол қойған Салық кодексіне енгізілетін өзгерістер туралы бұйрыққа сай, көлік салығын 2021 жылы 1 сәуірге дейін төлеу міндеттелген. Ал одан бұрын көлік иелеріне 2020 жылы 31 желтоқсанға дейін мемлекет алдындағы қарызын өсімпұлсыз төлеуге мүмкіндік беретін амнистия жарияланды. Сондай-ақ сенімхат арқылы сатылған және бұрынғы иелерінің атына тіркелген көліктерге де салық төленуі керек. Салық сомасын Kolesa.kz сайтында есептеуге болады.
Егер 1 сәуірге дейін көлік салығы төленбесе не болады? ҚР Салық кодексіне сәйкес салықтың ескіру мерзімі бес жыл деп белгіленген.
Салық органы автокөлік иесіне оның қарызы 1 АЕК-тен асқан жағдайда ескерту жібереді. Содан кейін оған өз еркімен есеп айырысу үшін 30 күн уақыт беріледі. Егер осы аралықта қарыз төленбесе, іс сот орындаушысының қолына өтеді. Ол борышкердің елден шығуына тыйым салып (егер қарыз 20 АЕК-тен жоғары болса), тіпті мүлкін аукционға қоюы мүмкін. Сонымен қатар борышкерлер (заңды тұлға, жеке кәсіпкер, жеке тұлға) екінші деңгейлі банктен шот аша алмайды. Бұл шектеу салық пен өсімпұл және сот орындаушысының жұмыс ақысы төленгенде ғана алынады. Төлем мөлшері салық бұйрығында көрсетілген қарыз көлеміне байланысты:
- 60 АЕК-ке дейін — өндірілетін соманың 25 пайызы мөлшерінде;
- 60 АЕК-тен 300 АЕК-ке дейін — өндірілетін соманың 20 пайызы мөлшерінде;
- 300 АЕК-тен 1000 АЕК-ке дейін — өндірлетін соманың 15 пайызы мөлшерінде;
- 1 000 АЕК-тен 5 000 АЕК-ке дейін — өндірілетін соманың 10 пайызы мөлшерінде;
- 5 000 АЕК-тен 10 000 АЕК-ке дейін — өндірілетін соманың 8 пайызы мөлшерінде;
- 10 000 АЕК-тен 20 000 АЕК-ке дейін — өндірілетін соманың 5 пайызы мөлшерінде;
- 20 000 АЕК-тен жоғары — өндірілетін соманың 3 пайызы мөлшерінде.
Комментариев: 0