2026 жылғы салықты төлеу мерзімі:
жеке тұлға үшін — 2027 жылғы 1 сәуірге дейін;
заңды тұлға үшін— 2026 жылғы 5 шілдеге дейін.
2025 жылғы көлік салығын есептегенде 4325 теңге мөлшерінде АЕК қолданылады.
Салық кодексінің 565-бабына сәйкес көлік салығын есептеу үшін республикалық бюджет туралы заңмен бекітілген және сәйкес қаржы жылының 1 қаңтарында күшінде болған АЕК қолданылады.
Салықтық кезең ішінде меншік құқығын, шаруашылық жүргізу немесе жедел басқару құқығын басқаға берген кезде салық салу объектілеріне салық сомасы мынадай тәртіппен есептеледі:
1) беруші тарап үшiн:
салықтық кезеңнiң басында болған көлiк құралдары бойынша салық сомасы салықтық кезеңнiң басынан бастап көлiк құралына меншiк құқығы, шаруашылық жүргiзу құқығы немесе жедел басқару құқығы берілген айдың 1-iне дейiнгi кезең үшiн есептеледi;
салықтық кезеңнiң iшiнде беруші тарап сатып алған көлiк құралдары бойынша салық сомасы көлiк құралына меншiк құқығы, шаруашылық жүргiзу құқығы немесе жедел басқару құқығы алынған айдың 1-iнен бастап осындай құқық басқаға берілген айдың 1-iне дейiнгi кезең үшiн есептеледi;
2) алушы тарап үшiн – салық сомасы көлiк құралына меншiк құқығы, шаруашылық жүргiзу құқығы немесе жедел басқару құқығы алынған айдың 1-iнен бастап салықтық кезеңнiң соңына дейiн немесе алушы тарап кейiннен осындай құқықты басқаға берген айдың 1-iне дейiнгi кезең үшін есептеледi.
Бір жылдан кем иелікте болған автомобильді сатқан жағдайда салықты сатқан жылдан кейінгі жылдың 1 сәуіріне дейін бірден төлеуге болады.
Еске салайық: Салық кодексінің 563-бабында көлік салығынан босатылған жеке және заңды тұлғалардың тізімі жазылған, онда ҰОС ардагерлері мен мүгедектігі бар азаматтар бар. Қозғалтқыш көлемі 4 000 текше см-ден жоғары көлік салығын төлегенде ардагерлер мен мүгедектерге берілетін жеңілдік олар автомобильді 2013 жылғы 31 желтоқсаннан кейін қайта рәсімдегенде жойылады.
2026 жылғы 1 қаңтардан бастап жеңіл көліктің салығын есептегенде көлік құралын пайдалану мерзіміне сәйкес, шыққан жылына байланысты мына түзету коэффициенттері қолданылатынын білген маңызды:
– 10 жылдан 20 жылға дейін қолданылса – 0.7; – 20 жылдан аса қолданыста болса – 0.5.
Қазақстанға 2013 жылғы 31 желтоқсанға дейін кірген не сол уақытқа дейін ел аумағында жасалған, қозғалтқыш көлемі 3000 текше см-ден асатын автомобильдер үшін мөлшерлеме жоғарыламайды. Көлік салығы қалай өзгергенін мына видеоны көру не мақаланы оқу арқылы білуге болады.
2026 жылғы салықты есептеу үлгісі (төрт әрекет арқылы орындалады)
Берілгені: қозғалтқыш көлемі 2300 см³ жеңіл автомобиль үшін салық төлеу қажет.
|
|
|
|
|
|
|
|
Жауабы: 2026 жылы қозғалтқыш көлемі 2300 см³ жеңіл көлік үшін 28 050 теңге салық төлеу қажет. Машина 10-20 жыл бұрын шықса, салық мөлшері біршама аз – 19 635 теңге. Шыққанына 20 жылдан асса, 14 025 теңге төлейсіз.
Біздің калькулятор дәл осылай есептейді. Бірақ әлдеқайда жылдам :-)
Ескертпе: кодекске сәйкес көлік құралын пайдалану мерзімі оның паспортында жазылған шыққан жылына байланысты анықталады. Бірақ Қазақстандағы кей көлікте КҚП болмағандықтан, оның шыққан жылы тіркеу туралы куәліктегі (техпаспорт) дерек бойынша есептеледі.