Қаржылай қиын жағдайға тап болған Қазақстан азаматы 2026 жылғы 1 қаңтардан бастап салық, алым және (немесе) өсімпұл төлеуді кейінге қалдыру (немесе бөліп төлеу) мүмкіндігіне ие болды. Оны беру тәртібін Қаржы министрлігі арнайы бұйрықпен бекіткен. Қазір кейінге қалдыру процесін жеңілдету үшін құжатқа өзгеріс енгізу жоспарланып отыр, бұйрық мүлік және банк кепілдігінсіз кейінге қалдыруға (бөліп төлеуге) мүмкіндік береді.
Қазір кейінге қалдыру нормасы қалай жұмыс істейді
Қолданыстағы Салық кодексіне сәйкес кейінге қалдыру немесе бөліп төлеуге рұқсат алу үшін міндетті түрде салық төлеушінің немесе үшінші тұлғаның мүлкін кепілге қою не банк кепілдігін ұсыну қажет. Сонымен қатар бөліп төлеу үшін борышкер кепілге қойған мүлікті алдын ала бағалап, оны жоғалу мен зақымдануға қарсы сақтандыруға тиіс.
Ведомство ұсынып отырған жаңа өзгеріске сай салық берешегі
«Әдетте кепілге қоятын мүлікті бағалау мен сақтандыру шығыны өсімпұл сомасымен шамалас болады, сол үшін бұл механизмді шағын және орта бизнес көп пайдалана бермейді. Демек өзгеріс банк шотын бұғаттау, мүлікке тыйым салу сияқты мәжбүрлі өндіріп алу шараларын қолданбай-ақ салық берешегін ерікті түрде өтеуге жағдай жасайды» деді ҚР ҚМ Мемлекеттік кірістер комитеті Kolesa.kz редакциясына.
Жоба 19 наурызға дейін талқыланады. Теориялық тұрғыдан кепілсіз кейінге қалдыру тетігі биыл сәуірден бастап күшіне енуі мүмкін.
Салықты кепілсіз кейінге қалдыру немесе бөліп төлеу мүмкіндігі кімдерге беріледі
Салық төлеуші мына шарттар орындалған жағдайда салықты кейін төлей алады:
- салық берешегі 1500 АЕК-тен аспауы керек;
- өтініш берген сәтте бұрын кейінге қалған (бөліп төлеп жатқан) салығы болмау керек;
- орындалмаған міндетті хабарлама болмауға тиіс;
- кейінгі екі жылда салық, алым немесе өсімпұлды уақытылы төлемегені үшін бұрын берілген кейінге қалдыру (бөліп төлеу) мүмкіндігін мерзімінен бұрын тоқтату фактісі болмауы қажет.
Кәсіпкерлерге қатысты қосымша шектеулер бар, оны бұйрықтың толық нұсқасынан оқисыз.
Көлік салығын төлеуді қалай кейінге қалдыруға болады
Кейінге қалдыру немесе бөліп төлеу үшін Мемлекеттік кірістер комитетінің аумақтық бөлімшесі, ХҚКО немесе egov.kz порталы арқылы өтініш беруге болады. Ол үшін мына құжаттарды ұсыну қажет:
- Салық және (немесе) өсімпұл төлеудің болжамды кестесі;
- Салық, алым және (немесе) өсімпұлды кейінге қалдыруға (бөліп төлеуге) негіз болатын құжаттар. Мысалы, өтініш бергенге дейінгі бір жылдағы табыс туралы мәлімет, жеке тұлғаның жылжитын және жылжымайтын мүлкі, тиісті уәкілетті орган берген
форс-мажорға (әлеуметтік, табиғи, техногендік немесе экологиялық төтенше жағдайлар, әскериіс-қимылдар ) байланысты салық төлеушіге келген залал туралы анықтама. - Кепіл болған банк пен салық төлеуші арасында жасалған банк кепілдігі туралы келісім және салық, алым және (немесе) өсімпұлды төлеуді кейінге қалдыру (бөліп төлеу) жөніндегі банк кепілдігі (егер болса).
- Кепілге қоятын мүлікті бағалау құжаты. Бірақ жаңа өзгеріс күшіне енсе, жоғарыда жазғанымыздай, билік салық төлеушіден кепілзат талап етпейді.
Мемлекеттік органдар өтінішті 10 жұмыс күні ішінде қарап, салық төлеуді кейінге қалдыруға (бөліп төлеуге) рұқсат береді не бас тартады. Өтініші қабылданған тұлға (деңгейлес мониторингіге қатысушылардан басқа) салық төлеу мерзімін 6 айға дейін кейінге қалдырып, 36 айға дейін бөліп төлей алады.
Демек салық төлеуге
Комментариев: 0