Қазақстанда 2025 жылғы көлік салығын азаматтар 2026 жылы 1 сәуірге дейін төлеуге тиіс. Бірақ кейде көлік иелері түрлі себеппен ұзақ уақыт бойы мемлекетпен есеп айырысуды «ұмытып» кетеді. Әдетте салық органдары жүргізушілерге қарыз туралы жыл сайын ескертіп отырады. Бірақ кей жағдайда хабарлама келмей қалуы мүмкін. Мысалы, дерекқорда техникалық қате болуы ықтимал. Мұндай жағдайда қанша уақыт ішіндегі қарызды төлеу керек?
Салық кодексінің
Бірақ көбіне жағдай басқаша болады, кей жүргізуші қарыз туралы хабарлама мен салық туралы бұйрықты алса да салық органының талабын елемей жүре береді. Мұндай жағдайда ескіру мерзімі қолданылмайды. Көлік иесі барлық қарызын төлеуге міндеттеледі.
Мұның нақты мысалы ретінде оқырманымыздың жағдайын айтуға болады, біз оны салықшылардан сұрап білдік. Бір азамат 1996 жылы Ford
Мемлекеттік кірістер комитеті редакцияға хабарлағандай, азаматтың салық берешегі 2013 жылдан бастап жиналған. Машинаны сатып алған адам оны өз атына қайта тіркемеген, алғашында салықты төлеп жүрген сияқты, бірақ кейін белгісіз себеппен төлем жасауды тоқтатыпты. Ескі «форд» әлдеқашан жарамсыз болып қалған шығар. Соған қарамастан көлік барлық дерекқорда техпаспорттағы иесінің атына тіркеліпті. 2013 жылдан бері құзырлы орган машина иесіне мемлекетпен есеп айырысу жөнінде 13 хабарлама және берешекті өндіріп алу туралы алты салық бұйрығын жіберген. Ал біздің оқырман көлікті баяғыда сатып жібергендіктен, хаттарға назар аудармаған сияқты. Демек проблема оның өзінде болып тұр. Енді оның 200 мың теңгеден аса берешекті өтеуіне тура келеді, оның үстіне хабарламалар дер кезінде жіберілгендіктен, ескіру мерзімі қолданылмайды.
Сондықтан көлік салығын кейінге қалдырмай, уақытында төлеп отырған жөн.
Комментариев: 0