Kolesa.kz-тегі 90 жылдары шыққан ерекше жапон көліктері

Kolesa.kz сайтында 160 мыңнан аса автомобиль сатылып жатыр. Біз 1990 жылдары шыққан модельдер арасындағы әйгілі жапон машиналарын таңдап алдық.

Toyota Supra

Төртінші буындағы JZA80 индексті екі есікті Supra-ның жақсы сақталған нұсқаларының құны жыл санап артып келеді. Қазақстандағы модель иелері де мұны жақсы түсінетін сияқты. Қазір сайтта 1993 жылғы жалғыз Supra тұр. Бағасы — 49 млн теңге (100 мың долларға жуық). Хабарландыру авторы саудаласпайтынын жазыпты.

1 / 3

• 
• 
• 

1 / 3

Машина 2JZ-GTE моторы, Garrett турбокомпрессоры, жақсы отын жүйесі, жаңа радиатор және интеркулер, сондай-ақ Link G4X Fury басқару блогымен жабдықталған. Соның арқасында 3 литрлік агрегат 700 ат күшін береді. Ол механика қораппен жұптаса жұмыс істейді.

Nissan Silvia

Астанада 1990 жылғы S13 индексті Nissan Silvia саудаға шықты. Бұл екі есікті модель де зауыттық нұсқа емес. Автомобиль карбон капот, айна, жүксалғыш есігіндегі шағын спойлерді қамтитын G-Corparation бастырығы және Volk Racing TE37V дискісімен ерекшеленеді. Салонда Recaro креслосы, Nardi рөлі және қауіпсіздік қаңқасы бар.

1 / 8

• 
• 
• 
• 
• 
• 
• 
• 

1 / 8

Капот астында қуаты артқан шатун-поршень тобы, цилиндр басы, Garrett GT2871R турбокомпрессорын қамтитын өзге де тюнинг элементтері бар SR20DET қозғалтқышы тұр. Сатушы күштік құрылымының нақты қуатын жазбапты.

Автомобильдің аспасына Öhlins, Tein және Ikea Formula компоненттері орнатылған.

Иесі 100 000 шақырым жүрген S13-ті 15 миллионға бағалап отыр. Бірақ нақты сатып алушы табылса, біршама жеңілдік жасауға дайын.

Nissan Skyline

Алматыда 1995 жылы конвейерден түскен қызыл түсті толық жетекті Skyline GT-R BNR33 сатылып жатыр.

Жоба авторы шанақ бастырығының бір бөлігін ауыстырып, BNR34 дөңгелек дискілерін орнатқан, салонын да жөнге келтіріп, NISMO аспаптар панелін қойған. Капот астында GT-R редукторына қуат беретін 2.6 литрлік RB26DETT тұр.

1 / 11

• 
• 
• 
• 
• 
• 
• 
• 
• 
• 
• 

1 / 11

Хабарландыру авторы моторына қатысты көп мәлімет бермепті, тек автомобильдің жағдайы керемет, жолға көп шықпайды, күтімі жақсы деп жазған.

Skyline GT-R-дің құны — 13.5 млн теңге.

Subaru Impreza

Subaru Impreza платформасы Қазақстанда көп жыл бойы автоспортқа әуес жандардың басты таңдауы болды. Мұндай машинаны ралли, тайм-аттак, драг және тіпті дрифт алаңынан көруге болады. Сондықтан елде толықтай стандарт экземпляры кездеспейді. Біз сөз етіп отырған GC8 де түрленген.

1 / 5

• 
• 
• 
• 
• 

1 / 5

Седан сырттай қарапайым WRX STI-ға ұқсайды, бірақ шатырдағы Type Ra люгі тосынсый барын аңғартады. Көлік қуаты 1000 арғымақтың күшіне жетуі мүмкін 2.5 литрлік қозғалтқышпен жүреді. Бірақ оның нақты қуаты — 600 а.к. Иесі автомобиль алғашқы жүздікті 2.9 секундта, ал 402 метрді 10.3 секундта еңсеретінін атап өткен.

Алматыда тұрған 1998 жылғы GC8 13 млн теңгеге бағаланып отыр.

Toyota Mark II

90 жылдары шыққан жүйрік «жапондар» тізімін 1994 жылғы Toyota Mark II түйіндейді. Бірақ ол 2.5 литрлік турбомотормен жүретін Tourer V емес, атмосфералы агрегаты мен автомат қорабы бар әдеттегі Mark II. Бағасы — 8.5 млн теңге, бірақ иесі саудаласуға дайын.

1 / 23

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 23

Хабарландыру авторы машина Жапониядан келген, зауыттық комплектациясын сақтаған, жағдайы жақсы коллекциялық экземпляр деп жазыпты, бағасы сол үшін жоғары. Седан небәрі 35 000 км жүрген.