Jetta бренді жаңа модель шығарады

Қытайда Jetta-ның камуфляжбен қапталған жаңа машинасы көзге түсті. AutoHome хабарлағандай, бұл кроссовер топтамадағы ең үлкені. Ол турбомотор және қуатталатын гибрид күштік құрылыммен жабдықталады. Премьерасы қашан өтетіні әлі белгісіз.

Суреттерден Jetta VS8-дің алдыңғы бөлігі фирмалық дизайнын сақтап қалғанын көруге болады, бірақ ол VS7-ге қарағанда жинақы көрінуі мүмкін. Екі кроссовердің пішіні ұқсас, бірақ жаңа өнімнің артқы жағы үлкен көрінеді.

Артқы бөлігі ұзарып, моношам пайда болады. Jetta VS7-нің өлшемдері 4624 × 1841 × 1624 мм, дөңгелек базасы — 2730 мм.

Қытайдағы БАҚ мәліметіне сүйенсек, базалық нұсқа 160 ат күші (250 Нм) бар 1.5 литрлік турбомотормен жабдықталады, гибрид электр қуатымен 100 шақырым жүре алады. Басқа техникалық сипаттамасы жарияланбады.

Jetta бренді бастапқыда Қытай нарығында Volkswagen-нің арзан сериялық көліктерін сату үшін құрылған. Мысалы, VS7 техникалық жағынан VW Tiguan мен Skoda Kodiaq-қа жақын. Болашақ флагманға қай модель негіз болғаны әзірге белгісіз.