Илон Маск Cybertruck пикабын өзі сатып алуға мәжбүр

Tesla SpaceX және xAI фирмасына ондаған Cybertruck жеткізді. Аталған екі компания әлеуметтік желіде өз автопаркіндегі машиналарды пикапқа алмастырып жатқанын хабарлады. Бұл үш компания да Маскқа тиесілі, яғни ол өтпей жатқан «кибертрактарды» өзінен өзі сатып алды.

SpaceX пен xAI-ға ондаған, тіпті жүздеген пикап аттанды деген ақпарат бар. Екі фирма мұны оң үрдіс деп сипаттап, дәстүрлі отынмен жүретін машиналарды батареялы пикапқа ауыстыру көптен күткен экологиялық қадам деп мәлімдеді.

Love to see the ICE support fleets from Tesla and SpaceX get replaced with Cybertruck. When we were engineering it, this was always part of the dream. Never imagined how hard the fleet photos at starbase would go. Looking forward to more of this https://t.co/M69ImCpamk pic.twitter.com/p1lf4FytY9

— Wes (@wmorrill3) October 7, 2025

Бірақ сала сарапшылары Tesla қоймадағы артық өнімнен құтылу үшін осылай істеді деп санайды. Бұл туралы Carscoops басылымы жазды. Мамандар марка нарықтағы сұраныстан көп электропикап шығарғанын, ал Cybertruck-қа қызығушылық жоспардағыдан әлдеқайда төмен болғанын атап өтті.

Илон Маск әу баста жүз мыңнан аса алдын ала тапсырыс түскенін айтып, жылына 250 мың пикап өндіруді жоспарлаған. Бірақ модель нарыққа алғаш шыққандағы ажиотаж аз уақытта басылып, сұрайтындар азая бастады. 2025 жылдың алғашқы тоқсанында — 6.4 мың, екінші тоқсанда небәрі 4.3 мың «Кибертрак» иесін тапты. Үшінші тоқсанда 5.4 мың машина өткен, бірақ бұған АҚШ-та электрокар алуға мемлекеттік субсидияның тоқтауы әсер етті. «Кибертрак» саудасы бір жыл бұрынғы көрсеткіштен — 63 %, жыл басындағы нәтижеден 38 % төмендеген. Кей сарапшы жыл аяғына дейін Cybertruck-қа сұраныс екі есе құлдырайды деп болжады.