HIMA альянсының құрамына кіретін Qijing маркасы алғашқы моделінің суретін жариялады. Автомобиль қазір сынақтан өтіп жатыр. Қытай нарығындағы трендке қарамастан, жаңа өнім кроссовер не седан емес, спорттық универсал болады. Ал жергілікті БАҚ оны
Алғашқы Qijing тегіс әрі динамикалық дизайнымен ерекшеленеді. Универсал бедерлі капоты бар алдыңғы бөлік, айқын көрінетін дөңгелек аркасы және артқы тірекке дейін созылған көлбеу төбе сызығымен көз тартады. Фотосуреттен ірі бүйірлік айна, 20 дюймдік дөңгелек дискісі мен лидарды да байқауға болады.
Лидар ең жаңа электрондық көмекшілер кешенінің бір бөлігі саналады, машина саудаға шыққан сәттен бастап үшінші деңгейлі автономды басқару жүйесі жұмыс істейді. Қытайда мұндай машинаны жалпыға арналған жолға шығару процесі енді ғана басталып жатыр, демек Qijing тиісті рұқсат рәсімделіп, құқықтық база жаңарғаннан кейін дербес қозғала алады. Бірақ әзірлеушілер модельге қажет жабдықты қазірден бастап орнатуды жөн көріпті, ал жаңа функция кейін бағдарламалық жасақтаманы жаңарту арқылы іске қосылады.
Машина 800 вольтты архитектураға негізделеді әрі толық электрлі күштік құрылыммен жүреді деген ақпарат бар. Huawei мен GAC өкілдері жаңа өнім 1 млн юань (73 млн теңге) тұратын автомобильдер деңгейінде болатынын айтты. Бірақ оның бағасы 300 мың юаньнан (22 млн теңге) басталады.
Комментариев: 0