General Motors электромобиль өндіруін тоқтатпайды

General Motors Америкада № 1 автоөндіруші деген беделін әлі сақтап тұр және электромобиль шығарушылар арасында Tesla-ға ғана жол берген. Бірақ биыл алты айдағы нәтиже бойынша батареялы техниканың үлесі 4.2 % кеміді.

Нарықтағы қазіргі жағдай GM-нің жоспарына еш әсер еткен жоқ, компания әу бастан-ақ кезең-кезеңімен топтамасын толық электрлі етуге ниетті. Fortune журналына сұхбат берген бас директор Мэри Барра электромобиль компанияның «ақырғы мақсаты және темірқазығы» деді, бұл межеден бас тартуға Штаттағы қазіргі ахуал да, шенділердің қолдамауы да ықпал ете алмайды.

Барра электрлеу процесінің баяу жүріп жатқанына сатып алушылардың таңдауы емес, мемлекеттің саланы реттеуге араласпауы ықпал етіп отыр деп есептейді. Қытай мен Еуропа электрлі көлікті тездетіп жолға шығарды, өйткені билік ауаға тарайтын зиян газ мөлшерін қатаң қадағалап, қуаттау бекеттерін көбейтуге көңіл бөлді, ал Ақ үйдің саясаты бірізді емес.

Барраның ойынша толығымыен батареялы көлікке ауысу ондаған жылға созылады, 2030 жылға қарай сауданың 40–50 %-ын қамтиды. Дегенмен бензинді және гибрид машиналар ұзақ уақыт қатар шыға береді.