Трамп АҚШ-та Қытай автозауыттарын ашуға қарсы емес

Қытай автоөндірушілері өз бизнесін кеңейту үшін АҚШ нарығының маңызы зор деп санайды. Бірақ елде қазір жұмыс істеп тұрған жергілікті және әлемдік брендтер мен кейбір шенді бұған үзілді-кесілді қарсы. Конгресс тіпті Қытай автомобильдері мен бағдарламалық жасақтамасының АҚШ аумағында болуына тыйым салатын заң жобасын қабылдауға ниетті.

Енді осы пікірталасқа Дональд Трамп араласты. Rueters хабарлағандай, президент Си Цзиньпинмен кездесуге дайындық барысында елде Қытай автозауыттарының ашылуына қарсы емеспін деп мәлімдеді, бірақ ол үшін зауыттар Америка азаматтарына жұмыс ұсынуы қажет. Саясаткер жапон концерндері осындай шартпен жұмыс істеп жатқанын айтты. Сондай-ақ Трамп Қытай автомобильдерін мұнда импорттауға жол бермейтінін (Мексикада жасалса да) атап өтті.

Қазіргі заңнама бойынша Қытайдан АҚШ-қа автомобиль жеткізуге және сатуға болмайды. Оның үстіне машинаға қытайлық бағдарламалық жасақтаманы пайдалануға тыйым салынған.