Xiaomi көлік сатқан сайын шығындалып жатыр

Xiaomi Group электромобиль шығаратын бөлімшенің 2026 жылғы І тоқсанындағы нәтижесін жариялады. Сауда көлемі былтырғы 75 869 көліктен 80 856-ға (+6.6 %) ұлғайғанына және 19 млрд юань (~2.8 млрд доллар) пайда тапқанына қарамастан, шығын айтарлықтай артты.

2025 жылдың І тоқсанындағы қаржылық көрсеткішке сүйенсек, Xiaomi әр сатқан электромобилінен орта есеппен 900 доллар жоғалтқан. 2026 жылдың қорытындысы бойынша шығын 3.1 млрд юаньға (~457 млн доллар) жетті, яғни бір машина 5.6 мың доллардан астам зиян келтіріп отыр. Xiaomi-дің тоқсандық таза пайдасы 4.73 млрд юань (~697 млн доллары) болғанын ескерсек, бұл аз ақша емес.

Компания бұған Қытайда электромобиль сатып алуға берілетін субсидияның кемуі, табыс әкелетін SU7 Ultra моделіне сұраныстың азаюы және негізгі компоненттердің қымбаттауы себеп болды деп санайды. Қытайда бірнеше жылдан бері жалғасып келе жатқан баға соғысы өнімнің құнын көтеруге мүмкіндік бермей отыр. Қазір Xiaomi көліктерінің орташа бағасы небәрі 235 мың юань (~34.6 мың доллар) шамасында.