Қытайда өткен AI Intelligent Technology конференциясында Geely жаңа моделі — Galaxy Starshine 8 EM седанын таныстырды. Ол Galaxy E8 электрокарының баламасы саналады. Бензоэлектрлі машина қашан саудаға шығатыны қазірше белгісіз.
Гибрид Galaxy Starshine 8 EM-ді сырттай өзгеше бампері мен жарық техникасына қарап ажыратасыз. Автомобиль жоғарғы жүріс шамын сақтап қалды, бірақ шамның төменгі блогы басқаша. Жаңа өнімнің өлшемі — 5018×1918×1480 мм, дөңгелек базасы — 2928 мм. Батареяға байланысты седанның салмағы 1908 немесе 1950 келі болады.
Электрлі нұсқаның салонында 45 дюймдік үлкен дисплей тұрған, ал гибридтің интерьері біршама қарапайым көрінеді. Мұнда бөлек екі экран бар. Медиажүйе Flyme Auto-мен жұмыс істейді. Орындықтарда желдету және массаж функциясы болады.
Қазірше автомобиль 163 ат күшіне ие 1.5 литрлік дәстүрлі мотор мен 218 ат күшін беретін электромотордан тұратын бір ғана күштік құрылыммен жүреді. Седан алғашқы жүздікті 6.9 секундта еңсереді, ең жоғары жылдамдығы — 200 км / сағ. Сыйымдылығы 18.4 және 27.7 кВт⋅сағ екі түрлі
Гибрид «сегіздіктің» танымалдығын арттыруды мақсат етті, бірақ Galaxy топтамасы қазір де жақсы өтіп жатыр. 2025 жылдың алғашқы екі айында олардың саудасы 185 % өсіп, 170 мың машина иесін тапты.
Комментариев: 0