Ресейден кетіп жатқан автоөндірушілер саны артып келеді. Жуырда Ford ресейлік Sollers-пен серіктес болмайтынын мәлімдеді. Компанияның 49 пайыз үлесі «Соллерс» меншігіне өтті. Дегенмен Ford бес жыл ішінде өз үлесін қайта сатып алуға құқылы.
Ford Ресейдегі жұмыс қарқынын 2019 жылы бәсеңдеткен, сол кезде Елабугадағы зауыт марканың жеңіл көліктерін шығарудын бас тартып, сатуды тоқтатты. Соңғы үш жылда өндіріс алаңында тек жеңіл коммерциялық техника, нақтырақ айтсақ, Ford Transit-тің бірнеше түрленімі жасалды.
Америкалық өндіруші мәлімдеме жасаған соң Sollers наурыздан бері бос тұрған конвейерлерді қайта қосуды жоспарлап отырғаны белгілі болды, бірақ ол өз брендімен LCV құрастырады. Компанияның жаңа серіктесіне қатысты мәлімет әлі берілген жоқ.
Комментариев: 0