Еуропада сегіз автозауыт жабылуы мүмкін

Bloomberg хабарлағандай, Еуропадағы концерндердің орташа жүктемесі 55 % кеміген. Бұл табыс үшін тым төмен көрсеткіш. Stellantis-тің шығыны өте көп. Alfa Romeo шығаратын зауыттар тек 45 %-ға жұмыс істеп жатыр, бұл марканың болашағына кері әсер етеді.

Сұраныс азайса, конвейерлер тоқтап қана қоймай, мыңдаған қызметкер жұмыссыз қалады. Өтемақы ретінде үлкен сома төлеу де өндірушінің қалтасына салмақ салады. AlixPartners консалтинг компаниясының есебінше 10 мың қызметкері бар зауытты жабу үшін шамамен 1.5 млрд еуро кетеді, ал кәсіподақтармен келіссөз жүргізу салдарынан процесс үш жылға дейін созылады.

Агенттік қазіргі жағдайды ескерсек, сегіз ірі автозауыт жабылу алдында тұр деп топшылады.

Қиындыққа тап болғанына қарамастан, Еуропада орнығуға бар күшін салып жатқан Қытай автөндірушілері жағдайды одан әрі қиындатып отыр. 2025 жылдың қорытындысы бойынша Қытай брендтерінің Еуропадағы үлесі 5 % болса, бес жылдан кейін бұл көрсеткіш 10 %-ға жетуі ықтимал.