JLR концерні қызметкерлерін жұмыстан шығарады

Jaguar Land Rover шығынын азайтуды жоспарлады, осы мақсаттағы көп шешімнің бірі – персонал санын қысқарту.

The Times дерегінше алдағы екі жылда 4 мыңға жуық адам жұмыссыз қалады, бұл JLR штатының 10 %-ына тең. Нәтижесінде компания шамамен 1.7 млрд фунт стерлинг үнемдейді екен.

Модельдер қатары да сиреп қалатын сияқты. Осы орайда Jaguar иелігінде әлі шықпаған электромобиль барын, ал Land Rover клиенттеріне Defender көліктерін, Discovery топтамасы мен тағы бірнеше модель ұсынып отырғанын айта кеткен жөн. JLR саудасы қызып тұр дей алмаймыз. Себебі соңғы тоқсанда компания 70 % табыстан қағылған.

Біраз күннен соң Ұлыбританияның кәсіпкерлік, инновация, ғылым және сауда министрі JLR басшыларымен және кәсіподақ өкілдерімен келіссөз өткізеді деп жазды Bloomberg, алайда мемлекет концернді қолдайын деп отырған жоқ.