Ең арзан FangChengBao-ның үздік комплектациясы шығады

BYD концерніне қарасты FangChengBao бренді Қытайда Tai 3 (Titanium 3 деп те аталады) кроссоверінің түрленімін көбейтті. Бұған дейін электрокардың артқы жетекті нұсқасы болған, енді сол қатарға үздік Ultra комплектациясы қосылды. Жаңа көлік жақсарған аспасымен ерекшеленеді. Машинаның бағасы — 149 800 юань (11.5 млн теңге).

Бір моторлы Tai 3-тің Ultra комплектациясы DiSus-C бейімді аспасымен жабдықталады. Акустика жүйесіндегі динамик саны 14-ке көбейеді. Есіктер автоматты жабылады, алдыңғы жүксалғыш қақпағында сервожетек бар. Салонда суыту және жылыту функциясына ие термобокс орналасқан. Опциялар тізіміне қолшам да кіреді.

Қосымша ақы төлеп, машина төбесіне дрон орнатуға болады. Бұл жүйені BYD концерні DJI фирмасымен бірлесіп жасаған. Шанақтың түс гаммасы ерекше қызғылт және көгілдір реңкпен толықты.

1 / 8

• 
• 
• 
• 
• 
• 
• 
• 

1 / 8

Техникалық тұрғыда Tai 3-тің Ultra комплектациясы арзандау Max және Pro-мен бірдей. Кроссовер артқы осьтегі 217 ат күшіне ие мотормен жүреді, машина 7.9 секундта жүзге дейін жылдамдық алады. Батарея сыйымдылығы — 73 кВт·сағ, жүріс қоры — 501 км. Батареян 18 минутта 30-дан 80 %-ға дейін энергия жинайды.

Жаңа комплектацияның бағасы онша жоғары емес. Артқы жетекті ең үздік түрленімі Max нұсқасынан небәрі 10 мың юань (770 мың теңге) қымбат.