Қазір Қазақстандағы 22 жол бөлігінде түнде және ауа райы қолайсыз кезде қозғалыс бағытын көрсететін 56 лазерлі құрылғы жұмыс істеп тұр. Ішкі істер министрі Ержан Сәденов үкімет отырысында осы тәжірибені жалғастыру жоспарланып отырғанын айтты: биыл мамандар жыл аяғына дейін тағы 20 трассаға осындай 48 кешен орнатады.
Министр орташа жылдамдықты тіркейтін камералар көбейетінін де атап өтті.
«Бұл құрылғы орнатылған республикалық трассаларда жол апаты — 10 %, қаза тапқандар саны — 33 %, зардап шеккендер саны 12 % азайды. Яғни, жүйе тиімді жұмыс істеп тұр», — деді Е. Сәденов. Ол республикалық автожолдардың тағы 16 бөлігіне камера қоямыз деп мәлімдеді.
Бұған дейін премьер-министр Олжас Бектенов орташа жылдамдықты республикалық жолдарда ғана емес, облыстық трассаларда да өлшеуді тапсырған.
Комментариев: 0