«ҚазАвтоЖол» ҰК» төрт ақылы жолда орташа жылдамдықты тіркеу жүйесі іске қосылатынын хабарлады. Ұлттық компанияның мәліметінше 10 шілдеден бастап камералар мына трассаларда екі бағытта қозғалатын көлік легін бақылайды:
- Ақтөбе — Қандыағаш;
- Алматы — Қорғас;
- Көкшетау — Петропавл;
- Астана — Теміртау, Аршалы — Ошағанды бөлігінде.
«Жаңа шара жол апатын, жылдамдық режимін сақтамайтындарды азайтуға және жүргізушілер мен жолаушылардың қауіпсіздігін арттыруға бағытталған. Жүйені енгізудегі басты мақсат — жазалау емес, жолдағы қауіпті әрекеттердің алдын алу. Жылдамдықты шамадан тыс арттыру ауыр жол апатының басты себептерінің бірі екенін тәжірибе көрсетті. Орташа жылдамдықты бақылау арқылы көліктің камера алдындағы жылдамдығын емес, жүргізушінің жолдағы әрекетін тіркеуге болады. Мұндай тәсіл камераға жақындағанда жылдамдықты төмендетіп, кейін қайтадан қауіпті деңгейге арттыруға жол бермейді», — деп түсіндірді «ҚазАвтоЖол».
Комментариев: 0