Алматы облысының полициясы өңірдегі республикалық маңызы бар төрт трассада орташа жылдамдықты тіркеу процесі басталды деп мәлімдеді. Облыстық полиция департаменті Kolesa.kz-ке хабарлағандай, аталған төрт трасса мыналар: Үлкен Алматы айналма жолы, Алматы — Бішкек, Алматы — Қорғас және Алматы — Талдықорған. Үлкен Алматы айналма жолының басынан соңына дейін орташа жылдамдық өлшенеді, Алматы — Талдықорған тас жолының қазір оңтүстік астанадан Қонаевқа дейін бөлігінде бақылайтын кешен бар, оны Талдықорғанға дейін ұзарту жоспарланып отыр. Ал Алматы — Бішкек және Алматы — Қорғас тас жолдарында Алматы облысының шекарасына дейін орташа жылдамдық есептеледі.
Полиция бұл трассалардағы бүкіл камера іске қосылғанын әрі ереже бұзғандарды анықтай алатынын айтты, бірақ аппаратура Әкімшілік іс жүргізудің бірыңғай реестеріне енді қосылып жатыр. Жүйе жақында толық іске қосылады, содан кейін жүргізушілерге айыппұл жаза бастайды. Бірақ құзырлы орган нақты күнді атаған жоқ.
Бұған дейін жол қызметкерлері Қазақстандағы сегіз тас жолда орташа жылдамдық тіркелетінін хабарлаған. Енді мұндай трассалардың саны артады.
Комментариев: 0