Оқиға 17 мамырда сағат 10:00 шамасында Қарасай ауданындағы Жібек жолы — Елтай — Боралдай тас жолында болған. Алматы облысы ПД баспасөз қызметінің хабарлауынша, Volvo FH жүк көлігінің жүргізушісі жаяу жүргіншіні өткізу үшін өткел алдына тоқтаған. Оның артынан келе жатқан Mazda 626 рөліндегі азамат та тежеуішті басады. Алайда седанның артындағы CAMC жүргізушісі дер кезінде әрекет ете алмай, Mazda-ны соғады. Алдында тұрған ауыр техниканың тіркемесіне соғылған седан мыжылып қалды.
1 / 3
Қос жүк көлігінің арасына қысылып қалған Mazda 626-ның жүргізушісі ауыр жарақат алып, жақын маңдағы емханаға жеткізілді. Оқиғаға қатысты сотқа дейінгі тергеу басталды.
Комментариев: 0