Әлеуметтік желіде жарияланған видеодан полиция белгісі бар үшінші буындағы Toyota Avalon-ның бүлінгенін көруге болады, ол аударылып, қарсы жолаққа шығып кеткен сияқты. Одан бөлек құлаған бағана мен апатқа ұшыраған екінші көлік — Opel Astra көзге түседі.
Видео сипаттамасында Toyota жоғары жылдамдықпен куәгерлерден озып кеткені жазылыпты. Жүргізуші рөлге ие бола алмай, жол шетіне шығып кеткен, содан кейін жарық бағанын қиратып, қарсы бағытта келе жатқан «опельге» соғылыпты.
Полиция департаменті баспасөз қызметі хабарлағандай, апаттан полиция қызметкері зардап шеккен. Облыстық ауруханада көмек алған соң үйіне қайтты. Оқиғаға кінәлі адам әкімшілік жауапқа тартылды. Бірақ тәртіп сақшылары нақты кім жазаланатынын айтқан жоқ.
Комментариев: 0