Жаңа Орлеанға жақын I-55 тас жолында 158 көлік қатысқан аса ірі апат болды. Кем дегенде бір машина суға түсіп кеткен, көбі өртеніпті.
Бұған супертұман деп аталатын құбылыс ықпал етті. Мұндағы жұрт қалың тұман мен Луизиана штатындағы батпақтан шыққан өрттің түтіні араласқанда болатын құбылысты осылай атайды. Мұндай кезде 3 метрден ары ештеңе көрінбейді екен.
Қазір жергілікті полиция жеті адам қаза тапқанын хабарлады, алайда олардың саны артуы мүмкін. Шұғыл қызмет мамандары жаншылған, өртенген көліктерді алып кетіп жатыр. Үйінді астында қалған цистернадан аққан улы сұйықтық жағдайды тіпті ушықтырып жіберген.
Қазір 25 адам зардап шекті деген ақпарат бар, бірақ тәртіп сақшылары бұл нақты емес деп мәлімдеді. Полиция жедел жәрдем алып кеткендерді ғана есепке алған, жолдан көлік тоқтатып, ауруханаға өз күшімен жеткендер де аз емес.
Комментариев: 0