14 қаңтар күні мегаполистегі Достық және Әл-Фараби даңғылдарының қиылысында полиция автомобилі қатысқан жол апаты болды. Куәгерлер оқиға орнынан түсірген видеодан аударылып қалған Toyota Camry мен арты бүлінген Chevrolet Equinox-ты көруге болады.
Тәртіп сақшылары оқиға 16:00 шамасында тіркелгенін айтты. Седан Әл-Фарабиден Достыққа өтетін тұспен батыс бағытта қозғалып бара жатқан. Даңғылмен қиылысатын жерге жақын қалғанда Camry жүргізушісі есінен танып қалып, алдымен Достық бойымен оңтүстікті бетке алған автобусқа, артынша бөлгіш қоршауға соғылған, содан соң даңғылдан өтіп кеткен машина қауіпсіздік аралының жиегін жанап өтіп, қызметтік Chevrolet-ні қаққан да, аударылып қалған.
Апат салдарынан седан тізгіндеген азамат пен бір полицей жарақат алғаны белгілі болды. Екеуіне дәрігерлер оқиға орнында көмек көрсеткен.
Комментариев: 0