Dreame үш электрокарын көрсетті

Былтыр күзде Dreame Technology автомобиль әлеміне қадам басып, бірнеше рендерін жариялады және автоөндіруші болуға ниет білдірді. Концептілер жұртты шулатты, себебі дизайны басқа модельдерден көшіріп алғандай көрінеді. Марканың алғашқы суперкары төрт есікті Bugatti-ге ұқсайды.

Лас-Вегастағы CES көрмесінде Dreame бір емес, үш электромобилін таныстырды, оның екеуі Nebula және Kosmera деген брендпен шығады.

1 / 7

Сразу три электрокара показал китайский производитель пылесосов

Nebula Next 01

1 / 7

Nebula концептісі Next 01 деп аталады. Оның сырт келбеті соңғы Ferrari флагмандарына жақын, бірақ Bugatti-ге тән элементтері қалған. Олар Brouillard купесіне сілтейді. Төрт электрлі қозғалтқыштың жалпы қуаты 1900 ат күшінен асады. Машина алғашқы жүздікті 1.8 секундта еңсереді. Next 01 қуатты уақытша 30 %-ға арттыратын жүйемен жабдықталады.

1 / 4

Қалған екі модель Kosmera брендіне тиесілі. Әзірге ресми атауы жоқ, бірақ Қытайдағы басылымдардың мәліметінше бұлар конвейерге Next 01-ден бұрын тұруы мүмкін.

Kosmera-ның бірінші моделіне концептідегі төрт есікті Bugatti негіз болғандай. Алдыңғы бөлігі таға тәрізді радиатор торын алды, бүйірі Porsche-ні еске салады. Autohome деректеріне сүйенсек, марка оған 1903 ат күшіне ие мотор, белсенді аспа орнатады. Dreame кейбір шанақ элементін 3D-принтермен басып шығармақшы.

1 / 3

Екінші Kosmera да Bugatti сияқты. Ол бүйірі мен артындағы C тәрізді элементпен, артқы жүксалғыш қақпағының қос әйнегімен ерекшеленеді. Автомобильдің техникалық сипаттамасы белгісіз.

Комментариев: 0