Аспан асты елінде жуырда тағы бір ірі кәсіпорын пайда болатын сияқты, бірақ мұның шетел брендінің орнығуына еш қатысы жоқ. Бұл жолы FAW Group пен GAC Group бірігейін деп жатыр.
Екі компания да мемлекетке тиесілі. CarNewsChina мәліметіне сүйенсек, шенділер маркалардың бәсекеге қабілетін арттырып, шығынды барынша азайту үшін оларды осы іске итермелеп жатқан көрінеді. Бірақ болашақ бірлескен мекеменің құрылымы белгісіз.
Қазір қос концерннің халі мүшкіл екенін айта кеткен жөн. Былтыр GAC саудасы 14.6 % құлдырап, табысы 10.5 % кеміген. Салдарынан 8.78 млрд юань жоғалтты. 2026 жылы жағдайы тіпті нашарлады. Ал FAW Group бірнеше жылдан бері өндіріс көлемін ұлғайта алмай келеді.
Комментариев: 0