Робот-шаңсорғыштарымен танымал Dreame Technologies әріптестері сияқты автонарыққа шығуды жоспарлап отыр. Үлкен жоба жасап, Bugatti гиперкарларымен бәсекелес болуды көздейді. Dreame ұсынған алғашқы рендерден дизайнерлер тапсырманы тура қабылдағанын көруге болады. Эскизіне қарағанда Dreame төрт есікті Bugatti Chiron жасайтын сияқты.
Автомобиль Chiron-ға қатты ұқсап қалған. Шанағынан бөлек, радиатор торы мен бампері, алдыңғы капотындағы қырлары және бүйіріндегі фирмалық С тәрізді элемент те бірдей. Ол суперкардағыдай әрленген. Артқы бөлігі көп деңгейлі және жіңішке жарық техникасын алған. Шатырында үш қырлы сызық бар.
Дизайнерлер салонын жаңадан жасапты. Мұнда үлкен экран, қырлы рөл, спорттық орындықтар және сенсорлы батырмалары бар ірі ортаңғы тоннель болады. Алдыңғы әйнек арқылы интерьеріне қарағанда көрініс мүлде басқа.
Dreame әзірге техникалық сипаттамасы туралы ақпарат бермеді. Компания оны жыл аяғына қарай жариялауы мүмкін. Бренд алғашқы прототипін (дизайнерлік макет) Америкадағы CES көрмесінде көрсетеді. Қытайдағы баспасөз хабарлағандай, Dreame қазірдің өзінде көлік құрастыратын алаң іздеп жүр және мұны Берлинде қолға алмақшы. Бренд Еуропадағы банктермен инвестицияға қатысты келіссөз жүргізіп жатыр. Марка әлемдегі ең жылдам электрокарды 2027 жылы сата бастайды.
Комментариев: 0