Депутат кептеліспен күресудің жаңа тәсілін ұсынды

Мәжілісмен премьер-министр Олжас Бектеновке сауал жолдап, елордадағы кептеліспен күресудің жаңа жолын ұсынды. А.Нұралиннің айтуынша Астана қарқынды дамып келеді, мегаполиске көшіп жатқандар көп, көше көлікке толған. Халық саны екі миллионға таяп қалды, мәселені кейінге қалдыруға болмайды.

Ол елорда тұрғындарының көбі мемлекеттік қызметкер екенін айтып, олардың жұмыс уақытын өзгертуді ұсынды.

«Зерттеу жұмыстары таңертең еңбек өнімді болатынын көрсетіп отыр. Сол үшін жұмыс уақытын таңғы 9-дан таңғы 7-ге және 8-ге ауыстыруды ұсынамыз», — деді депутат.

Осыдан он жыл бұрын қазір шетелде қашып жүрген, бұрынғы «Астана LRT» ЖШС басқарма төрағасы Талғат Ардан осындай ұсыныс айтқан. Шенді бас қалада таңғы сағат 7-ден 10-ға дейін алты сағат белдеуін құруды ұсынды. Ол жаңа кестені әкімдік қызметкерлеріне сынап көріп, кейін ұлттық компаниялар мен орталық мемлекеттік органдарды қамтығысы келді.

Астана әкімдігі 2018 жылдан бері 8:30-да жұмыс бастайды. Жақында бас шаһардың әкімі Жеңіс Қасымбек мемлекеттік орган, бюджеттік ұйымдар және коммуналдық қызмет өкілдері жұмысқа ерте кірісуі мүмкін деді.

Шығыс Қазақстан облысында қазір мемлекеттік органдар мен бюджеттік мекемелер 8:00-ден 17:30-ға дейін жұмыс істейді, түскі үзіліс — 12:00-ден 13:30-ға дейін. Бірақ бұл уақыт белдеуінің өзгеруіне байланысты. Шығыста қыста 16:00-де қараңғы түседі.